夫婦行李箱卡港鐵入閘機求救　網民畫圖解難︰倒轉咪得囉

大家搭港鐵經常遇到大媽推行李購物，大包細包收獲甚豐，港鐵為方便推行李、推BB車和老弱傷殘人士等，每站早已設有闊閘機，但有人還是想挑戰「三棍衝閘」的快感，仍選擇推大行李出入三棍閘機。有網民就影到一對中年夫婦的大行李，完美卡入三棍閘機，需向港鐵職員求助。

有網民在facebook群組《巴打絲打Facebook Club》分享了兩張相片，見到一對打扮樸實的中年夫婦，正向一名港鐵女職員求助，原來他們的紅色套行李卡在三棍閘機中，苦無辦法取出。

相片一出，有眼利的網民即留意到左邊有部闊閘機，取笑兩夫婦︰

有闊閘機唔用，係要用呢部，抵死！

有網民亦笑言，兩夫婦推著兩個行李箱非常不便，「咁論盡就唔好學人行（三棍）閘喇！」有人建議找消防爆閘，其實毋須如此大陣仗，買張單程票轉多次閘棍便可出閘，但兩人應該覺得蝕不願再買票。

去買張單程證……係單程票嘟多嘢囉！叫職員拍卡轉出去都得！

有位男網民就非常有心，畫圖解難指出，只要180度倒轉行李便可推出閘棍，獲網民大讚高手，猶如對答IQ題！

不過有人認為未必可行，如果行李裝滿應約有20公斤，好難將行李倒轉，最佳方法都是找港鐵職員幫手，就算要倒轉行李都有多個人幫手。